A sede desta Xornada será o Salón de Actos da Facultade de Ciencias da Educación (Campus Vida · Sur). A asistencia a esta xornada poderá realizarse con carácter presencial ou con carácter virtual, aspecto que se consultará e se controlará a través do procedemento de matrícula, polas limitacións de aforo. Se houbese algún tipo de restrición ou se se produxera a superación do aforo, garantirase a asistencia das persoas interesadas pola vía virtual, aspecto que será comunicado pola organización a través de correo-e.

A asistencia ao 80% da duración da Xornada outorgará un diploma de asistencia no cal se farán constar os datos persoais (nome e DNI) que consten no formulario de matrícula, así como a tipoloxía de asistencia. Este documento será asinado polos organismos pertinentes.